Share this :
dengarkanlah lantunan ini
أستغفر الله رب البرايا أستغفر الله من الخطايا
ربـي زدني عـلما نافـعا ووفّـقـني عــملا صـالحا
يارسول الله سلام عليك يا رفـيع الشّـان والـدرج
عـطـفت ياجـيرة العـــلم يا أهــيل الجـود والـكرم
Ngawiti ingsun nglaras syi’iran
Kelawan muji maring pengeran
Kang paring rohmat lan kenikmatan
Rino wengine tanpo petungan 2X
Duh bolo konco priyo wanito
Ojo mung ngaji syare’at bloko
Gur pinter dongeng nulis lan moco
Tembe mburine bakal sangsoro 2X
Akeh kang apal Qur’an haditse
Seneng ngafirke marang liyane
Kafire dewe dak digatekke
Yen isih kotor ati akale 2X
Gampang kabujuk nafsu angkoro
Ing pepaese gebyare dun-yo
Iri lan meri sugihe tonggo
Mulo atine peteng lan nisto 2X
Ayo sedulur jo nglaleake
Wajibe ngaji sak pranatane
Nggo ngandelake iman tauhite
Baguse sangu mulyo matine 2X
Kang aran soleh bagus atine
Kerono mapan seri ngelmune
Laku thoriqot lan ma’rifate
Ugo hakekot manjing rasane 2X
Alquran qodim wahyu minulyo
Tanpo tinulis biso diwoco
Iku wejangan guru waskito
Den tancepake ing jero dodo 2X
Kumantil ati lan pikiran
Mrasuk ing badan kabeh jeroan
Mu’jizat Rosul dadi pedoman
Minongko dalan manjinge iman 2X
Kelawan Alloh kang moho suci
Kudu rangkulan rino lan wengi
Ditirakati diriyadlohi
Dzikir lan suluk jo nganti lali 2X
Uripe ayem rumongso aman
Dununge roso tondo yen iman
Sabar narimo najan pas pasan
Kabeh tinakdir saking pengeran 2X
Kelawan konco dulur lan tonggo
Kang podo rukun ojo dasio
Iku sunahe Rosul kang mulyo
Nabi Muhammad panutan kito 2X
Ayo nglakoni sekabehane
Alloh kang bakal ngangkat drajate
Senajan ashor toto dzohire
Ananging mulyo maqom drajate 2X
Lamun palastro ing pungkasane
Ora kesasar roh lan sukmane
Den gadang Alloh swargo manggone
Utuh mayite ugo ulese 2X
يارسول الله سلام عليك يا رفـيع الشّـان والـدرج
عـطـفت ياجـيرة العـــلم يا أهــيل الجـود والـكرم
al-fatihah...
